Mae Canal Bridge yn dŷ ar wahân, sy'n cynnig holl gyfleusterau cartref cyfforddus, modern, gyda gwres canolog llawn a gwydro dwbl. Mae pedair o'r ystafelloedd gwely yn rhai en-suite, ac mae gan y ddwy arall eu hystafelloedd ymolchi preifat eu hunain. Mae'r holl ystafelloedd gwely wedi eu haddurno yn ddiweddar mewn lliwiau niwtral, ac mae ganddynt wardrob, cist ddillad, cypyrddau wrth ochr y gwely a chadeiriau ym mhob un, gyda bleindiau blacowt, a duvets o'r maint mwyaf ar y gwelyau dwbl. Mae gan yr en-suites bwyntiau eillio, gyda drychau a golau. Rhoddir dillad glân ar y gwelyau wedi i bobl gyrraedd, a bydd gobenyddion sbâr, blancedi a sychwr gwallt ar gael. Darperir tywel bath a thywel sychu dwylo ar gyfer pob gwestai.
Ar y llawr gwaelod mae lolfa fawr gyda lle i 12 eistedd ynddi, gyda theledu sgrin lydan 40" a thân nwy, gyda drysau Ffrengig yn arwain at gwrt preifat a diarffordd. Mae'r gegin yn helaeth ac yn ddelfrydol ar gyfer diddanu, gyda lle i 12 a mwy eistedd ynddi. Mae ynddi beiriant golchi llestri, peiriant golchi/sychu dillad, microdon, hob nwy a phopty trydan gyda ffan, oergell fawr a rhewgell o dan y cownter. Mae cot a chadair uchel ar gael os gofynnir amdanynt. Mae gan yr ystafell gemau fawr deledu sgrin lydan 40", gyda chwaraewr dvd a chonsol gemau Wii, Chwaraewr CD y gellir ei gysylltu ag IPod a bwrdd pŵl. Mae gennym ddewis eang o gemau, llyfrau a theganau ar gael. Gellir defnyddio'r ystafell gemau hefyd fel ystafell gyfarfod / gynadledda ac mae lle i 12 eistedd ynddi. Mae gan y llawr isaf ystafell gawod, sy'n ddelfrydol ar gyfer golchi pethau yn ogystal ag ardal sychu, gyda chyfleusterau hael ar gyfer hongian cotiau / dillad dal dŵr yn ogystal â rhesel esgidiau i sychu esgidiau a bŵts.
Mae gan yr ardal y tu allan farbeciw, bwrdd pren a seddi gyda Pharasol mawr. Mae'r gatiau pren sy'n cloi yn golygu bod y tu ôl i'r eiddo yn ddiogel, yn ddiarffordd ac yn ddelfrydol ar gyfer storio beiciau neu feiciau modur. Ceir darpariaeth i barcio pedwar car, gyda lle parcio ar y stryd gerllaw a maes parcio cyhoeddus mawr wedi'i leoli o fewn 1 munud o gerdded oddi yno. Lleolir y tŷ ar Gas Lane, lôn gul nad yw'n ffordd drwodd, sy'n arwain at Gamlas Aberhonddu. Nodwch fod Clwb Rygbi Aberhonddu wedi ei leoli gyferbyn, sy'n darparu cyfleusterau ar gyfer bwyd, diod, digwyddiadau mawr, bandiau byw a gwyliau cwrw go iawn. Mae croeso i anifeiliaid anwes sy'n ymddwyn yn dda. Cyfeiriwch at yr amodau a'r telerau.
Ar ôl cyrraedd byddwch yn derbyn Pecyn Croeso. Gallwch archebu eitemau o fwyd o siop groser cyn cyrraedd. Gellir darparu Pecynnau Cinio. Rhowch wybod i ni pryd y byddwch yn cyrraedd, er mwyn i ni allu eich croesawu'n bersonol.
Key Info
Lle i 12 gysgu
6 Ystafell wely
7 Ystafell Ymolchi
Facilities
-
Bath
-
Gardd
-
Barbeciw
-
Lle Parcio ar y safle
-
Bwrdd Bwyta
-
Peiriant golchi llestri
-
Cyfeillgar tuag at gŵn
-
Ardal Sychu
-
Ystafell Gemau
-
Cyfleusterau Bwyta y tu allan
-
Parcio
-
Gardd Breifat
-
Cawod
-
Peiriant Golchi
-
Peiriant sychu dillad
-
Llai na 10 munud i gerdded i'r dref
-
Ardal Olchi
-
Bwrdd gyda lle i'r Gwesteion i gyd eistedd wrtho
Rooms
Ystafell Wely 1
Ystafell Wely 1 yw ein hystafell fwyaf, sydd â Gwely 'Kingsize', gyda digon o le ar gyfer Cot neu Wely Sengl ychwanegol os oes angen. Drwy'r ffenestr gellir gweld golygfeydd o Theatr Brycheiniog a Maes Parcio Clwb Rygbi Aberhonddu. Bleindiau Blacowt a Llenni. Uned Ystafell Ymolchi gydag Ystafell Gawod breifat gerllaw.
Mae Ystafell Wely 2
Mae Ystafell Wely 2 yn Ystafell gyda dau wely sengl, gydag Ystafell Gawod en-suite. Ffenestr Velux yn y to gyda bleind blacowt.
Mae gan Ystafell Wely 3
Mae gan Ystafell Wely 3 wely dwbl, gydag uned yn cynnwys cypyrddau a basn. Ystafell ymolchi breifat, gyfagos. Bleind blacowt a llenni ar y ffenestr, yn edrych dros Glwb Rygbi Aberhonddu.
Mae gan Ystafell Wely 4
Mae gan Ystafell Wely 4 wely dwbl, gydag ystafell gawod en-suite. Ffenestr Velux yn y to gyda bleind blacowt. Ceir ystafell dawel yng nghefn yr eiddo.
Mae gan Ystafell Wely 5
Mae gan Ystafell Wely 5 ddau wely sengl, gydag ystafell gawod en-suite. Ffenestr Velux yn y to gyda bleind blacowt. Ceir ystafell dawel yng nghefn yr eiddo.
Mae gan Ystafell Wely 6
Mae gan Ystafell Wely 6 ddau wely sengl, gydag ystafell gawod en-suite. Ffenestr Velux yn y to gyda bleind blacowt. Ceir ystafell dawel yng nghefn yr eiddo.
Cegin
Mae gan y gegin le i 12+ o bobl eistedd ynddi. Mae ynddi hob nwy gyda 5 alch ('ring'), popty trydan, oergell fawr, rhewgell o dan y cownter, peiriant golchi llestri, golchwr/sychwr, microdon, tegell a thostiwr 4 tafell. Mae ynddi gyllyll a ffyrc, llestri a gwydrau ar gyfer 24. Haearn a Bwrdd Smwddio. Mae ganddi bopeth y byddech yn ei ddisgwyl mewn cegin i deulu. Ystafell eang, a golau sy'n ddelfrydol ar gyfer diddanu. Gellir darparu arlwyo a Phecynnau Cinio os gofynnwch amdanynt.
Lolfa
Mae gan y lolfa le i 12 eistedd ynddi, gyda drysau patio sy'n arwain i'r cwrt diarffordd yng nghefn yr eiddo. Mae dodrefn derw Ffrengig o ansawdd da, lle tân bwaog o gerrig a thân nwy, yn gwneud hon yn ystafell glyd a chysurus i ymlacio a dadflino ynddi. Mae drysau Ffrengig yn arwain allan i gwrt diarffordd yn y cefn.
Ystafell Gemau
Yn yr Ystafell Gemau mae yna fwrdd pŵl, teledu sgrin fflat fawr, chwaraewr DVD, chwaraewr CD IPod, a chonsol Wii. Gyda soffa fawr a bagiau ffa cyfforddus, mae'n lle perffaith i ymlacio. Gellir gorchuddio'r bwrdd pŵl i greu wyneb bwrdd. Mae'n olau ac yn eang gyda dwy set o ddrysau Ffrengig sy'n agor allan i'r lle parcio. Gellir troi'r ystafell hon hefyd yn ystafell gyfarfod, gyda chadeiriau a byrddau i roi lle i 12 eistedd ynddi.
Gemau a Llyfrau
Mae gennym gasgliad mawr o gemau, teganau a gweithgareddau ar gael, o Trivial Pursuit i ddominos! Gyda detholiad eang o lyfrau ar gyfer pob oedran, mae rhywbeth yma i ddiddanu pawb!
Ystafell Sychu
Lleolir yr Ystafell Sychu, gyda'i llawr teils, oddi ar yr Ystafell Gemau. Mae yma silffoedd agored, pren, a phapur newydd i sychu esgidiau a bŵts, a bachau cotiau ar gyfer dros 12 o gotiau. Bydd gwres a gynhyrchir gan y Boiler a'r rheiddiadur yn yr ystafell hon yn sychu cotiau a dillad dros nos. Mae offer trwsio beiciau mewn argyfwng, pecyn cymorth cyntaf, sbyngau, brws a bwced ar gael. Gellir mynd trwy'r Ystafell Sychu i Ystafell Gawod ar y llawr gwaelod, sy'n ddelfrydol ar gyfer golchi dillad ac esgidiau mwdlyd. Lleolir y tap tu allan a'r ardal olchi wrth ochr yr eiddo.
Ystafell Gawod y Llawr Gwaelod
Ystafell Gawod y Llawr Gwaelod, llawr teils gyda chawod cwadrant modern, ar y llawr gwaelod er hwylustod,
Y Cyntedd
Mae'r cyntedd gyda theils ar y llawr yn cynnwys cyfoeth o wybodaeth am weithgareddau lleol, llefydd i fwyta ac ymweld â nhw, a mannau gwybodaeth lleol. Mae ein Pecyn Croeso yn cynnwys yr holl wybodaeth allweddol sydd ei hangen i wneud eich arhosiad yn un pleserus ac ymlaciol. Gyda mapiau a chanllawiau ar gyfer cerddwyr a beicwyr, yn amrywio o lwybrau i ddechreuwyr hyd at yr heriau mwy egnïol! Bydd Hamper Croeso i chi ar ôl cyrraedd yn gofalu bod gennych de, coffi, llaeth, siwgr, cacennau cri a nwyddau eraill o ffynonellau lleol!
Ardal y Cwrt
Mae'r Cwrt y tu ôl i'r eiddo yn lle preifat, cysgodol i chi ymlacio a dadflino ynddo. Mae cymysgedd o ardaloedd patio a graean yn gwneud y lle yn wych ar gyfer barbeciws a diddanu. Mae'n ardal gysgodol ac amgaeedig gan waliau a ffensys, y gellir ei chyrraedd drwy'r drysau patio oddi ar y Lolfa, a'r giât ochr.
Ardal Storio Beiciau / Golchi
Mae'r ardal olchi y tu allan yn ychwanegiad gwych i feicwyr a cherddwyr. Tap tu allan a draen. Darperir brwsys ac offer trwsio beiciau. Gyda lle cloadwy ar gyfer storio hyd at 12 o feiciau, y tu ôl i gatiau pren uchel 6 troedfedd sydd wedi'u cloi. Mae hefyd yn lle addas i storio beiciau modur. Y tu mewn i'r eiddo ceir dewis eang o fapiau, llyfrau a llyfrynnau, llwybrau i seiclwyr a cherddwyr a manylion am siopau lleol lle gellir llogi beiciau a'u trwsio. Gweler y dudalen Gweithgareddau. (llun i ddod)
Parcio / blaengwrt
Mae yma le parcio gwastad ar gyfer hyd at bedwar o geir. Ardal wastad. Mynediad i'r tŷ dros un gris bach. Lle parcio ar y stryd a maes parcio talu ac arddangos y gellir aros ynddo'n hir o fewn dwy funud o gerdded.
Ystafell Gawod
Mae hwn yn dangos yr Ystafell Gawod ger Ystafell Wely 1. Mae yma gawod bŵer a rheilen gynnes i sychu tyweli. Mae gan bedair o'r chwe ystafell wely gyfleusterau en-suite, mae gan bob un ohonynt sinc, toiled, cawod, rheiddiadur pwynt eillio, gyda ffaniau golau ac echdynnu.
Ystafell Ymolchi
Mae gan y tŷ chwech o ystafelloedd cawod ac un ystafell ymolchi.
Availability
Gwybodaeth am Archebu
Mae seibiannau 7 diwrnod yn mynd o ddydd Gwener i ddydd Gwener. Mae seibiannau byr 3 noson yn mynd o ddydd Gwener i ddydd Llun, mae seibiannau 4 noson yn mynd o ddydd Llun i ddydd Gwener.
Gellir archebu seibiannau byr trwy gydol y flwyddyn, ac eithrio'r Pasg, canol Gorffennaf/Awst, a'r Nadolig/y Flwyddyn Newydd. Mae angen blaendal o 25% wrth archebu, gyda'r taliad yn llawn chwe wythnos cyn cyrraedd. Mae unrhyw archebion a wneir o fewn chwe wythnos yn daladwy'n llawn wrth archebu.
Os oes gennych unrhyw ofynion arbennig, anfonwch e-bost atom a byddwn yn gwneud ein gorau i helpu.